Bajau

Sama-Bajau

West Coast Bajau women of Sabah in their traditional dress
Total population
1.3 million worldwide
Regions with significant populations
Philippines	~499,620[1]
Malaysia	~436,672[2]
Indonesia	~345,000
Brunei	~12,000
Boros
Sama–Bajaw languages,[3] Dusunic, Tausug, Filipino, Malay, Indonesian, Chavacano, English
Ugama
Predominantly: Sunni Islam[4]
Related ethnic groups
Yakan, Iranun, Lumad Other Greater Barito-speaking peoples, Tausūg, other Moros, Filipinos Malays, Bugis, and other wider Austronesian peoples

Bajau nopo nga abaagi kumaa do duo tinimungan i noilaan sabaagi mongingion poinladsong id Pantai Barat om Timur Sabah mantad piipiro hatus dilaid om nookunan sabaagi mogigion ladsong Nusantara. Suai ko' ilo', tinaru Bajau nogi diti nga noilaan nogi sabaagi iso tinaru bumiputera taang koduo bobos agayo id pogun do Sabah om id posorili dau. Sumusuhut, montok nopo nondo do Pantai Barat, nointutunan yolo sabaagi do Bajau Samah. Kogumuan nopo do Bajau id Persisiran Pantai Barat nga poingkalaja' sabaagi do momuumutanom om mongiinginsada' suai ko' susumakai do kuda. Montok dii poingion id Pantai Timur Sabah, poingkalaja' yolo sabaagi do mongiinginsada' om montootolop di abaal.

Nointutunan o tulun do Bajau Samah id Pantai Barat sabaagii do mananakai do kuda, momoomonsoi dangol om tulun di morobuat id ranahon. Okon ko ilo' no, nakaanu nogi o tulun tinaru Bajau Pantai Timur Sabah loolobi po id watas Semporna do pamalahawan di unik om kirati miagal ko' “sea gypsies"^[5], Panglima Dilaut, Pelaut om nogi Pelayar Terunggul.

Tumilombus, milo do boogion o tulun Bajau Samah (Tindal) diti maya kinoyonon id ionon diolo miagal ko' id Tuaran, Kota Belud om Papar. Montok dii tulun Bajau Laut, kinoyonon nopo diolo nga noilaan do hilo id watas Kudat, Pitas, Lahad Datu, Kunak, Sandakan om nogi Semporna. Opibaagi o puru Bajau doid Semporna kumaa Bajau tindal om nogi Bajau Laut id nombo do Bajau tindal nopo diti nga lobi pointarad kumaa doid sektor pomutanaman om Bajau Laut nopo nondo nga doid sektor mongiinginsada' sundung pia do haro nogi o piipiro Bajau tindal di poimpasi maya kataradan doid ponginsada'an.

Suai ko' ilo', Bajau Samah nopo nondo i poingion id watas Kota Belud om Tuaran nga nointutunan kopio doid pointongkop pomogunan sabaagi "Koboi Timur" tu kinokitanan kokomoi kabaalan om kalantasan diolo doid papanahan do kuda. Okon ko' ilo' no, abaal nogi yolo doid kapamansayan do padang Samurai id nombo do kabaalan nopo kaka dilo nga pintungkus mantad soudor do Jepun kumaa tinaru Bajau Samah om Iranun id Kota Belud. Agayo om osonong kaka kopio o gatang dilo padang Samurai mantad Kota Belud tu gisom pogi do kaanu momoihak ginawo tutumombului mantad labus pogun. Oguno nogi o padang dilo montok tutungkap pomuhandaman kumaa tulun suai loolobi po montok tutumombului labus pogun di minongoi hiti id Malaysia.

Montok do kopoilaan di lobi aralom, tulun nopo do tinaru Bajau Samah Pantai Вarat om Orang Bajau Рantai Timur nopo nga misuai. Pisuayan nopo dilo nga okito maya tulun tinaru diti i poingion doid watas Lahad Datu om Semporna. Ahal diti binoros miagal diti tu misuai kopio o kobooboroso', rasuk koubasanan, kaakanon, adat om nogi koubasanan do koposion. Tulun tinaru Bajau Samah Pantai Barat lobi ogumu momonsoi doid pomutanaman do parai miagal ko' ranahon om tulun nopo do Bajau Semporna nga nointutunan doid gana ponginsada'an id laut.

1. ↑ "2010 Census of Population and Housing, Report No. 2A – Demographic and Housing Characteristics (Non-Sample Variables), Philippines" (PDF). Government of the Philippines National Statistics Office. Ngiop 2013. Linoyog ontok 28 Ngiop 2022.
2. ↑ "Total population by ethnic group, administrative district and state, Malaysia" (PDF). Department of Statistics, Malaysia. 2010. pp. 369/1. Pinoopi mantad sand̠ad (PDF) ontok 27 Mansak 2012. Linoyog ontok 12 Gumas 2014.
3. ↑ "What Language do the Badjao Speak?". Kauman Sama Online. Sinama.org. 4 Milatok 2013. Linoyog ontok 23 Mansak 2013.
4. ↑ http://www.peoplesoftheworld.org/text?people=Bajau
5. ↑ "Bajau Laut". Sea Gypsies | The Nomads of the Sea. 29 March 2017.