Back Gabungan Rakyat Sabah English Alliance du peuple de Sabah French Gabungan Rakyat Sabah ID Gabungan Rakyat Sabah Malay சபா மக்கள் கூட்டணி Tamil 沙巴人民联盟 Chinese
Gabungan Rakyat Sabah toi ko' GRS nopo nga iso mantad ogumu parti pulitik id Sabah. Parti diti nogi nga iso piomungan montok piipiro parti pulitik suai id Sabah. Pinodaftar o piomungan diti id soibau do Akta Pertubuhan 1966 om papasaga o 'keahlian terus kumaa ahli pulitik sundung amu pointanud do parti komponen id suang do piomungan dii. GRS id Sabah nopo nga kopiagal-agal do parti GPS (Gabungan Parti Sarawak) id Sarawak tu popopromosi do kopiunungan id piolitan momuruan parti lokal om nogi mogigion lokal. Nakaanu o parti GRS diti do pisokodungan mantad mogigion id boogian Pantai Barat, Pedalaman om Pantai Timur.
Pinadaftar o parti GRS maya rasmi ontok 11 Gomot 2022 id Jabatan Pedaftaran Pertubuhan Malaysia (JPPM) om nakaanu kasagaan montok momonsoi logo mantad Suruhanjaya Pilihan Raya Malaysia (SPR). Parti GRS koingkakat mantad 7 parti komponen miagal do parti GAGASAN, PBS, SAPP, STAR, USNO, LDP, PHRS om miampai 'keahlian terus GRS'. GRS nopo nga parti piomungan di kiharo piomungan bobos togumu id Malaysia ii nopo nga koingkakat mantad 7 parti.
Id pogulu, GRS popiamung do Parti Perikatan Nasional, Barisan Nasional, Parti Bersatu Sabah, parti-parti lokal om ahli-ahli pulitik bibas no om nakalantoi do majoriti torikohonon montok pilihan raya Pogun Sabah 2020 ontok 27 Milau 2020.
Ontok toun 2022, piniamung o bagas parti id piomungan di miagal do Gabungan Bersatu Sabah (GBS), United Borneo Alliace (UBA), om nogi tulun pulitik bibas. Gama dii, nokosiliu GRS sabaagi iso parti di popiamung parti puitik lokal no. Nokosiliu o Parti GRS sabaagi parti lokal koduo di minomuruan pogun Sabah sumusuhut do piomungan Pasok-PBS ontok toun 1985.