Chicago

Chicago (a s lèś [/ʃɪˈkɑɡoʊ/] o anc [/ʃᵻˈkɔːɡoʊ/] in ingléś) l'è na sità di Stat Unî ch'in dal 2014 la gh'iva dū migliòṅ e sèt 'd abitànt. La s cata in dal stat d'l Illinòis, in dla cuntèa ad Cook e ad DuPage, e l'è la tèrsa più granda dal paéś dòp New York e Los Angeles. La sa śvilùpa par sinquànta km su 'l lâg Mìchigan, da Nòrd a Sud.

L'è cgnusùda cuma „Windy City“ (la sità dal vènt) o anc cuma „Second City“ (la secónda sità) p'r al fat che in fiṅ a 'l 1980 la l'éra dabòṅ (in di an Sinquànta la pasàva anc i tri migliòṅ e siē 'd abitànt). Adès 'l è 'n sèntar finansiàri dimóndi impurtànt e 'l PIL dla sò aréa metrupulitàna 'l è 'l tèrs di Stat Unî.

A 'l censimènt dal 2011 'l è saltâ fóra ch'i sò abitànt i èṅ p'r al 32.9% négar, p'r al 31.7% biànc e p'r al 13.3% ispànig. Al sò sìndig, da 'l 2011, 'l è 'l demucràtic Rahm Emanuel. Chicago l'è sèmpar stada na sità 'd sinìstra tant ch'l ùltim sìndig republicàṅ 'l è stâ elèt in dal 1927.

La sità l'è famóśa anc p'r ès'r un punt ad riferimènt par la mùśica, specialmènt qvéla jazz, blues, soul, gospel, e anc house music.

• John Ashcroft, generàł
• Anastacia, cantànta
• Adam Baldwin, atōr
• Jennifer Beals, atōra
• James Belushi, atōr e còmig
• John Belushi, atōr, cantànt e còmig
• Tom Berenger, atōr
• Wesley Clark, generàł
• Hillary Clinton, segretària 'd stat e pulìtiga
• Tina DeRosa, scritōra
• Walt Disney, regìsta e imprendidōr
• Mimsy Farmer, atōra
• Harrison Ford, atōr
• Jennifer Hudson, atōra e cantànta
• Terry Kath, cantànt e chitarìsta di Chicago
• R. Kelly, cantànt
• John Landis, regìsta
• Karl Malden, atōr
• David Mamet, senegiadōr e regìsta
• Joe Mantegna, regìsta e atōr
• Vincente Minnelli, regìsta
• Kim Novak, atōra
• Patti Smith, cantànta
• Donita Sparks, cantànta e chitarìsta dgl'L7
• Taylor Townsend, tenìsta
• Raquel Welch, atōra e cantànta
• Robin Williams, atōr
• Robert Young, atōr
• Billy Zane, atōr
• John Wayne Gacy, masadōr seriàł

• (EN) Al sit ufisiàł