Back غالينا فوسكوبويفا Arabic جالينا فوسكوبويفا ARZ Галина Воскобоева Bulgarian Galina Voskobóieva Catalan Galina Voskobojevová Czech Galina Voskobojeva Danish Galina Woskobojewa German Galina Voskoboeva English Galina Voskobóyeva Spanish گالینا واسکوبوئوا Persian
|
C'l artìcul chè 'l è scrit in
Miranduléś |
La Galina Olegovna Voskoboeva (Mósca, 18 ad Dicémbar dal 1984, Галина Олеговна Воскобоева in Rus) l'è na tenìsta dal Kazakistan, paéś sarnî da lē in dal 2008 a 'l pòst dla Rùsia. L'è élta 183 cm e la péśa 67 chilo.
L'è stada la nùmar quarànta-dū dal mónd al 7 ad Maǵ 2012. La Galina la dascór dimóndi bèṅ in Ingléś e la s è stablìda a Astana. La gh'à na gata ciamàda Gabriela.
In dla sò caréra l'à śugâ sōl na finàla di turnèo WTA: 'l è sucès al 23 ad Setémbar dal 2011 a Seùl quànd l'à pèrs da la spagnōla María José Martínez Sánchez par 6-7 6-7. La gh và méj in dópi in dua invéci la gh l'à cavàda a purtàr-'s a cà quàtar tìtui, cun anc sèt finàli pardùdi.
Caréra
La Galina la taca a far al sò primi partìdi in d'l àmbit di turnéo di prufesiunìsta in dal 2002. A Doha, in dal 2008, la gh la cava a purtàr via un sét a la Marija Šarapova. In dal 2011 la buta a gl'urtìghi la sò partìda dal secónd tùran di Pattaya Open cóntar la Marija Kirilenko: avànti 6-1 5-3, la và a pèrdar a 'l tèrs sét.
A Turònt, dòp èsar partìda da 'l qualificasiòṅ, la gh la cava a bàtar par la prima vòlta na tenìsta dal primi déś, la Marion Bartoli. La gh tōś gust e la dà la paga a l'itagliàna Flavia Pennetta e pò anc a la Marija Šarapova 6–3, 7–5. La pèrd però in di quàrt p'r òpra dla Viktoryja Azaranka 6-2 6-1, tenìsta che lē l'iva invéci batû in dal lōr prim incóntar dal 2005 par 6-3 7-5.