Back ماريا كيريلينكو Arabic ماريا كيريلينكو ARZ Мария Кириленко Bulgarian Maria Kirilenko Catalan Maria Kirilenková Czech Marija Kirilenko Danish Marija Jurjewna Kirilenko German Μαρία Κιριλένκο Greek Maria Kirilenko English María Kirilenko Spanish
|
C'l artìcul chè 'l è scrit in
Miranduléś |
La Marija Jur'evna Kirilenko, (Mósca, 25 ad Śnar dal 1987) l'è na tenìsta rusa ch'l'è stada la nùmar dódas dal mónd (al 27 'd Agóst dal 2012). L'è élta 174 cm par 60 chilo e l'è prufesiunìsta da 'l 2001.
In dla sò caréra l'à vins siē tìtui WTA in singulàr e dódas in dópi.
Caréra
La Marija la śōga la sò prima finàla in dal sircùit WTA al 22 ad Favràr dal 2004 in sal cimènt 'd Hyderabad pardénd-la cóntar la Nicole Pratt par 6-7 1-6. La gh và méj a Pechîṅ 'l an dòp parchè la bat l'Anna-Lena Grönefeld e la vins al sò prim turnèo.
Dū an dòp, al 23 ad Setémbar dal 2007, prima la vins la finàla ad Calcutta e la stmana dòp la pèrd qvéla ad Seul cóntar la Venus Williams in tri sét. In dal 2008 la pòrta a cà dū tìtui in sla tèra rósa (Estoril e Barcelóna) e òṅ in sal cimènt ad Seul faghénd na vitma impurtànta, la Samantha Stosur.
In séguit la fà fadìga a far suo di turnèo, miténd in fila soquànti scunfìti in finàl: Barcelona 2009 da la Roberta Vinci 0-6 4-6, Mósca 2010 da la Viktoryja Azaranka 3-6 4-6, Pattaya 2012 da la Daniela Hantuchová 6-7 6-3 3-6 e New Haven 2012 da la Petra Kvitová 6-7 5-7.
In di Gran Slam l'à sèmp'r abû di prubléma, al màsim l'è rivàda in di quàrt ad finàl: a gl'Australian Open dal 2010 (in dua l'à pardû cóntar la cinéśa Zheng Jie 1-6 3-6) e a Wimbledon dal 2012 (in dua la céd al pas a la pulàca Agnieszka Radwańska, pò finalìsta, 5-7 6-4 5-7).