Neve Campbell

C'l artìcul chè 'l è scrit in Miranduléś

La Neve Adrianne Campbell, cgnusùda méj cuma Neve Campbell (Guelph, 3 'd Utóbar dal 1973, a s lèś /ˈnɛv ˈkæmbəl/ in ingléś), l'è n'atōra canadéśa cgnusùda specialmènt p'r al persunàǵ dla Sidney Prescott in dla saga ad Scream.

L'è stada spuśàda dū vòlti, prima cun Jeff Colt e pò cun John Light.

Biugrafìa

Nada in Cànada da di genitōr scuséś e ulandéś, a nóṿ an la taca a studiàr balét a la National Ballet School par pò pasàr a la recitasiòṅ dòp soquànt infurtùni. Da 'l 1994 a 'l 2000 l'è la prutagunìsta dal telefilm Cinque in famiglia. La sò prima part impurtànta a 'l cìnema l'è in dal film Giovani streghe dal 1996 ma 'l è cun Scream ad Wes Craven dal stés an ch'la dvènta famóśa in tut al mónd faghénd al persunàǵ dla prutagunìsta Sidney Prescott. La turà incóra in maṅ cla part lè anc in di film a vgnir Scream 2 dal 1997, Scream 3 dal 2000 e Scream 4 dal 2011.

In dal 1998 l'è la visióśa Suzie Toller in Sex Crimes - Giochi pericolosi e pò la lavóra cun Ryan Phillippe in dla pelìcula Studio 54. In dal 1999 l'è in dal cast dal cumèdia Appuntamento a tre mént'r in dal 2001 la tōś part a Sesso ed altre indagini. Dū an dòp la lavóra cun Robert Altman in dal sò The Company.

Filmugrafìa

1993 - The Dark, regìa ad Craig Pryce
1996 - Giovani streghe (The Craft), regìa 'd Andrew Fleming
1996 - Scream, regìa ad Wes Craven
1997 - Scream 2, regìa ad Wes Craven
1998 - Sex Crimes - Giochi pericolosi (Wild Things), regìa ad John McNaughton
1998 - Studio 54 (54), regìa ad Mark Christopher
1998 - Hairshirt, regìa ad Dean Paraskevopoulos
1999 - Appuntamento a tre (Three to Tango), regìa ad Damon Santostefano
2000 - Chi ha ucciso la signora Dearly? (Drowning Mona), regìa ad Nick Gomez
2000 - Scream 3, regìa ad Wes Craven
2000 - Panic, regìa ad Henry Bromell
2001 - Sesso ed altre indagini (Investigating Sex), regìa ad Alan Rudolph
2003 - Lost Junction, regìa ad Peter Masterson
2003 - The Company, regìa ad Robert Altman
2004 - Blind Horizon - Attacco al potere (Blind Horizon), regìa ad Michael Haussman
2004 - Be Loved (When Will I Be Loved), regìa ad James Toback
2004 - Chronicles of War (Churchill: The Hollywood Years), regìa ad Peter Richardson
2005 - Reefer Madness (Reefer Madness: The Movie Musical), regìa 'd Andy Fickman
2006 - Relative Strangers, regìa ad Greg Glienna
2007 - I Really Hate My Job, regìa 'd Oliver Parker
2007 - Closing the Ring, regìa ad Richard Attenborough
2011 - Scream 4, regìa ad Wes Craven
2013 - The Glass Man, regìa ad Cristian Solimeno
2013 - Walter, regìa dl'Anna Mastro

Culegamènt estéran

(EN) Filmugrafìa in s'l IMDb