Back سيلفرتشير Arabic سیلفرچیر AZB Silverchair Catalan Silverchair German Silverchair English Silverchair Spanish Silverchair Finnish Silverchair French Silverchair Galician סילברצ'ייר HE

Silverchair

C'l artìcul chè 'l è scrit in Miranduléś Emiliàn

I Silverchair tòlt śò in dal 2006


«
Please die Ana for as long as you're here we're not, you make the sound of laughter and sharpened nails seem softer, and I need you now somehow, and I need you now somehow, open fire on the needs designed, on my knees for you.»
(EN)(Ana's Song (Open Fire), 1999)
«
Par piaśēr Ana mōr parchè in fiṅ tant ch'ta gh sē nuàt'r a n gh sém minga, at fà 'l sòṅ dla ridùda e gl'ungi arfilàdi i pàran più mòrbdi, e in na quàlc manéra a gh'ò biśógn ad tè, e in na quàlc manéra a gh'ò biśógn ad tè, fōg a róta 'd còl su i biśógn strulicâ, in śnòć par tè.»
(MUD)


I Silverchair (Scrana 'd Argînt) i èṅ un grup grunge e ad rock alternatìṿ austragliàṅ nâ in dal 1992 miténd insém al baterìsta Ben Gillies, al chitarìsta e cantànt Daniel Johns (ch'al spusarà la cantànta Natalie Imbruglia in dal 2003 par pò divìd'r-as sinc an dòp) e 'l basìsta Chris Joannou.

La banda l'à vindû da piò 'd òt migliòṅ ad disc in tut al mónd tacànd a sōi quìnd'ś an c'n al sìngul Tomorrow.

Biugrafìa

Al grup in dal 2008

I tri mémbar dal grup i èṅ uriginàri ad Merewether un pòst darènt a Newcastle (Austràglia) e i èṅ tut nâ in dal 1979. A 'l inìsi i s fàvan ciamàr „Innocents Criminals“ e i sunàvan dal cover ad grup quài Led Zeppelin, Black Sabbath e Deep Purple. In dal 1994 i vìns'n un cuncōrs par far un vìddeo dna sò canta e lōr i vìnsan cun Tomorrow. Al grup al firma subìt un cuntràt cun qvéi dla Sony Music e i al fànan vgnir fóra cuma sìngul. Cal pès lè al gh la cava a 'rmàgnar a 'l prim pòst dal clasìfichi austragliàni par siē stmani 'd fila. Al pòrti dal sucès i s vèran par lōr e in dal 1995, in sōi nóṿ dè, i regìstr'n al sò àlbum 'd debùt, Frogstomp, ch'al finìs anc in dla Top 10 dla Billboard americàna.

Dū an dòp l'è la vòlta ad Freak Show ch'al vénd bèṅ anc par via di sìngui Freak, Cemetery e Abuse Me. In dal 1999 a véd la luś al tèrs àlbum Neon Ballroom i dua i misćian di sòṅ metàlic rabî, urchèstra e part letrònichi. Dòp al prim sìngul dimóndi dûr, Anthem for the year 2000, i càtan spasi dū lènt, Ana's Song e Miss You Love.

In dal Śugn dal 2001 cun Diorama al grup al càmbia tôṅ, via 'l grunge di inìsi e spasi a 'l rock psichedèlig e urchestrâ ma Daniel Johns al gh'à di prubléma 'd salùt esénd-as bcâ na bruta artît. 'L ùltim lavōr dal grup 'l è Young Modern dal 2007.

Mémbar

Daniel Johns in dal 2007
Chris Joannou in dal 2007
Ben Gillies in dal 2007

Discugrafìa

Àlbum in studi

  • 1995 - Frogstomp
  • 1996 - Freak Show
  • 1999 - Neon Ballroom
  • 2002 - Diorama
  • 2007 - Young Modern

Àlbum da 'l viṿ

  • 2003 - Live from Faraway Stables

Racòlti

  • 2001 - The Best Of Vol.1

Sìngui

  • 1995 - Tomorrow
  • 1995 - Pure Massacre
  • 1995 - Israel's Son
  • 1995 - Shade
  • 1997 - Freak
  • 1997 - Abuse Me
  • 1997 - Cemetery
  • 1997 - The Door
  • 1999 - Emotion Sickness
  • 1999 - Anthem For The Year 2000
  • 1999 - Ana's Song (Open Fire)
  • 1999 - Miss You Love
  • 2002 - The Greatest View
  • 2002 - Without You
  • 2002 - Luv Your Life
  • 2003 - Across The Night
  • 2003 - After All These Years
  • 2007 - Straight Lines
  • 2007 - Reflections Of A Sound
  • 2007 - If You Keep Losing Sleep
  • 2008 - Mind Reader

Culegamènt estéran

Developed by StudentB