Alkorkono

Alcorcón
flago	blazono
municipo en Hispanio
Ĝemelurboj Mayarí vd
Oficiala nomo	Alcorcón
Ŝtato	Hispanio
Aŭtonoma Komunumo	Regiono de Madrido
Poŝtkodo	28921–28925
Areo	km²
Alteco	695 m.
Loĝantaro	171 772 loĝ. (2023)
Loĝantonomo	Alcorconero, ra
Retejo	http://www.ayto-alcorcon.es
Koordinatoj	40° 21′ N 3° 50′ O / 40.350 °N, 3.833 °O / 40.350; 3.833 (mapo)Koordinatoj: 40° 21′ N 3° 50′ O / 40.350 °N, 3.833 °O / 40.350; 3.833 (mapo)
v • d • r

Alcorcón (Alkorkono) estas urbo de la Madrida Regiono en Hispanio, tre proksima al la ĉefurbo Madrido, 13 kilometrojn sudokcidente.

Laŭ la stato de 2023 en la urbo vivis 171 772 loĝantoj sur areo de 38,46 kvadrataj kilometroj, kio rezultigas loĝdenson de 4 466 loĝantoj/km².

Ĝi estis tre malgranda vilaĝo ĝis proksimume la jaro 1960, kiam ĝi rapide kreskis, pro la enmigrado de multaj homoj el diversaj lokoj de Hispanio, kiuj serĉis laboron en la ĉefurbo kaj trovis pli malmultekostan loĝadon en la apudaj urbetoj. En la lastaj jaroj, la enmigrado venas ĉefe el aliaj landoj (Latinameriko, Afriko kaj Orienta Eŭropo).

La vivo de la urbo estis tradicie orientita al Madrido, kie laboris granda parto de la loĝantaro. En la lastaj jaroj, tamen, kreiĝis eblecoj de laboro, kulturo kaj distrado en la urbo mem.

La nuraj interesaj monumentoj estas la kirko de Santa María la Blanca (ĉ. 16-a jarcento) kaj du malgrandaj kasteloj konstruitaj en la komenco de la 20-a jarcento en historieca stilo, fare de la Markizo de Valderas. Tiuj ĉi nun taŭgas kiel sidejo de kulturaj aranĝoj, kaj en unu havas sian sidejon la Muzeo de Vitra Skulpturo.

La urbo estas bone konektita al Madrido per metropoliteno, trajno kaj aŭtobusoj.