Alteraciilo

Ĉi tiu artikolo temas pri unuopaj muzikaj signoj. Por aro da tiaj signoj ĉe komenco de notlinio rigardu la paĝon Antaŭsigno (muziko). Por pli ĝenerala termino legu la artikolon Kromsigno.

Alteraciilo aŭ kromsigno en muziko, estas simbolo en muzika notacio, kiuj indikas la ŝanĝon de pratono en iu konsiderata gamo.

Tiaj alteraciiloj povas transloki pratonojn unu aŭ du duontonojn supren aŭ malsupren. Krome ekzistas apartaj alteraciiloj por la translokado je kvaron-, seson-, okon- kaj dekduontonoj, uzataj en Nova Muziko samkiel transskribaĵo de etna muziko.