Amnestio Internacia

Amnestio Internacia
Amnesty International
Emblemo de AI
ne-registara organizaĵo neprofitcela organizaĵo
Komenco	Julio 1961
Landoj kun lokaj sekcioj de Amnestio Internacia (2012)
Lando(j)	Unuiĝinta Reĝlando (Britio) vd
Sidejo	Londono
Tipo	NRO
Celo	Disvolviĝo de la Homaj rajtoj
Agareo	Tutmondo
Moto	Better to light a candle than curse the darkness[nb 1].
Fondinto(j)	Peter Benenson vd
Ĝenerala(j) Sekretario(j)	Agnès Callamard (2021–) vd
Estr(ar)o	Agnès Callamard
Lingvoj	angla, araba, franca, hispana
Filioj	Amnestio Internacia Irlando Amnestio Internacia Francio Amnestio Internacia Brazilo vd
Premioj (2003)  Medalo de Honoro de Barcelono (1993)  Free Your Mind (en) (1991)  Premio Olof Palme (1988)  Hans Böckler Preis (en) (1987)  Premio Geuzen (1984)  George Polk Award (en) (1983)  Eŭropa Homrajta Premio (1978)  Premio por Homaj Rajtoj de la Unuiĝintaj Nacioj (1977)  Nobel-premio pri paco (1976)  Erasmo premio  Honorary Member of the Order of Liberty (en)  Premio por la Kvar Liberecoj: Libereco pri Parolado vd
Retejo	www.amnesty.org
v • d • r

Amnestio Internacia (AI) (oficiale Amnesty International) estas tutmonda homrajta movado kiu agadas por antaŭenigi ĉiujn homajn rajtojn agnoskitajn en la Universala Deklaracio de Homaj Rajtoj kaj aliajn internaciajn normojn. Aparte, Amnestio Internacia kampanjas por liberigi ĉiujn prizonulojn de konscienco, certigi justan kaj senprokrastan proceson por politikaj prizonuloj, abolicii la mortpunon, torturon, kaj aliajn kruelajn traktadojn de prizonuloj, fini politikajn murdojn kaj "malaperojn", kaj kontraŭi ĉiujn homrajtajn mistraktojn, ĉu per registaroj aŭ per opoziciaj grupoj.

Amnestio Internacia havas proksimume tri milionojn da membroj kaj subtenantoj en 162 landoj kaj teritorioj. Aktivaĵoj varias de publikaj manifestacioj ĝis leter-kampanjoj, de homrajta edukado ĝis monkolektaj koncertoj, de individuaj apelacioj pri aparta kazo ĝis mondaj kampanjoj pri aparta problemo.

Amnestio Internacia estas senpartia kaj sendependa de iuj registaro, partio, aŭ religio. Amnestio Internacia estas financata grandparte de abonoj kaj donacoj de sia tutmonda membraro.

Amnestio Internacia ricevis la Nobel-premion pri paco en 1977.
Citaĵa eraro Etikedoj <ref> ekzistas por la grupo nomita "nb", sed la responda etikedo <references group="nb"/> ne estis trovita; $2