Andrea Palladio

Andrea Palladio (1508–1580)
Bildo de Andrea Palladio.
Persona informo
Andrea Palladio
Naskonomo	Andrea di Pietro della Gondola
Naskiĝo	30-a de novembro 1508 en Padovo, Respubliko de Venecio
Morto	19-a de aŭgusto 1580 en Maser, apud Treviso, Respubliko de Venecio
Lingvoj	itala • venecia vd
Ŝtataneco	Venecia respubliko vd
Familio
Edz(in)o	Allegradonna (en) vd
Profesio
Okupo	arkitekto artoteoriisto vd
Laborkampo	Arkitekturo vd
Aktiva en	Veneto • Vicenza • Venecio • Udine vd
Aktiva dum	1537–1580 vd
Verkado
Verkoj	Basilica Palladiana ❦ Galerio de la Akademio de Venecio ❦ Villa Saraceno ❦ Villa Almerico Capra "La Rotonda" ❦ Gioiello di Vicenza ❦ Church of San Giorgio Maggiore ❦ Olympic Theatre vd
Membrecoj Membrecoj Accademia delle Arti del Disegno (en) vd
vd	Fonto: Vikidatumoj
v • d • r

Andrea di Piero della Gondola, nomata Palladio (30-a de novembro 1508 en Padovo; 19-a de aŭgusto 1580 en Maser) estis la plej grava arkitekto de la renesanco en norda Italio.

Li estis la unua "granda profesia arkitekto", kiu laboris nur kiel arkitekto sen aktiviĝi ankaŭ en aliaj artaj fakoj.^[1]

Li inspiriĝis je la romia arkitekturo kaj la grandaj arkitektoj de la itala Renesanco, precipe Bramante, Michelangelo, Sanmicheli kaj Sansovino. Sed li neniam nur imitis la ekzemplojn, sed alfrontis ĉiun konstrutaskon en kreiva kaj originala maniero. Lia celo estis arkitekturo, kiu orientiĝas laŭ la praktikaj kaj idealaj bezonoj de la komisianto, respektante la estetikaj principoj de ekvilibrio kaj proporcio kaj la kondiĉoj rezultantaj el la cirkonstancoj de la konstruloko. La rezulto estis konstruaĵoj tre harmoniaj kaj elegantaj.

Per siaj konstruaĵoj kaj skribaĵoj li iĝis la fondinto de paladianismo, kiu ege influis la arkitekturon de novklasikismo en okcidenta kaj norda Eŭropo, en Britio kaj Usono.

1. ↑ Nikolaus Pevsner / Hugh Honour / John Fleming: Lexikon der Weltarchitektur. 3. Aufl. Prestel Verlag, München 1990, pag. 476. (germane)