Blaye

Ĝemelurboj
	Zülpich ; Măcin (en) ; Tàrrega vd

Blaye - jen france, prononco [blaj] aŭskulti, okcitane respektive gaskone Blaia - estas komunumo de Francio, ĉe la dekstra bordo de Ĝirondo, 30 km norde de Bordozo. Ĝi situas en la departemento Ĝirondio (france Gironde [ʒiʁɔ̃d] respektive okcitane kaj gaskone Gironda), en la administra regiono Nova Akvitanio (france Nouvelle-Aquitaine [nuvɛl akitɛn], okcitane kaj gaskone Nòva Aquitània) kaj en la tradicia, historia regiono Akvitanio (france Aquitaine [akitɛn], okcitane kaj gaskone Aquitània). Ene de la departemento, la komunumo apartenas al kaj estas la centro de samnoma arondismento Blaye (aŭ Blaia) kaj al la kantono L’Estuaire.

Laŭ la stato de 2021 en la komunumo vivis 4 957 loĝantoj sur areo de 6,42 kvadrataj kilometroj, kio rezultigas loĝdenson de 772 loĝantoj/km². La teritorio havas komunan limon kun la najbaraj komunumoj Saint-Genès-de-Blaye, Cars, Cussac-Fort-Médoc, Lamarque, Plassac, Saint-Martin-Lacaussade kaj Saint-Julien-Beychevelle.

Blaye havas citadelon de la 17-a jarcento verkitan de Vauban. Ekde 2008 ĝi apartenas al la Monda heredaĵo de Unesko kune kun 11 aliaj fortikaĵoj, kadre de la fortikaĵoj de Vauban^[1].

Blaye estas ankaŭ la ĉefurbo de la tradicia regiono Blayais kaj estas fama pro sia vinberejo.

Ĉirkaŭ **Blaye**
	Saint-Genès-de-Blaye	Saint-Martin-Lacaussade
Cussac-Fort-Médoc (trans Ĝirondo)		Cars
Lamarque (trans Ĝirondo)		Plassac