Drono

Drono estas la morto per enspiro de fluaĵo, kio kaŭzas interrompon de la absorbo de oksigeno (spirado). Tiu ĉi mortado estas la plej ofta kaŭzo ĉe mortintaj infanoj. La prompta ekkono de dron-danĝero kaj scio pri la necesaj agoj fare de la savanto estas grava afero por la ŝanco supervivi.

En historio estis multaj kazoj de kolektivaj dronoj aŭ dronoj de gravaj personoj, kio poste eniris en mitologion. Ekzemple unu el la plej antikvaj estus la tutmonda dronado post diluvo kion rakontas multaj mitologioj, inter ili la plej konata eble la Biblio, kiu rakontas ankaŭ la dronon de la egipta armeo en la tempo de Moseo. Pli proksime al nia epoko unu el la civilaj okazaĵoj pli katastrofa inter dronoj pro vrako estas tiu de la ŝipo "Titanic", kiu famiĝis unue pro la traktado en amaskomunikiloj (ĉefe ĵurnaloj) pro la granda nombro de mortintoj kaj poste pro filmoj.