Elbasan

Elbasan
urbo vd
Blazono
Administrado
Ĝemelurboj Lieĝo (2014–) Kosovska Mitrovica Dunaújváros Trevizo Turku Novi Ligure vd
Poŝtkodo	3001–3006
En TTT	Oficiala retejo [+]
Demografio
Loĝantaro	78 703  (2011) [+]
Geografio
Geografia situo	41° 7′ N, 20° 4′ O (mapo)41.11540886968520.06776200536Koordinatoj: 41° 7′ N, 20° 4′ O (mapo) [+]
Alto	140 m [+]
Horzono	UTC+01:00 [+]
DEC Situo de Elbasan
Alia projekto
Vikimedia Komunejo Elbasan [+]
v • d • r

Elbasano estas urbo en meza parto de Albanio kun ĉirkaŭ 100.000 loĝantoj, sur norda bordo de rivero Ŝkumbin, inter la montoj, ĉe orienta rando de akvoriĉa, produktema ebenaĵo.

Ĝin fondis en 1466 sur loko de la antikva Scampis Mehmed la 2-a, osmana sultano. Ĝi servis kiel militara apogstacio kontraŭ la albana heroo, Skanderbeg.

La urbo estis la plej grava centro de la albana nacia movado dum la turka okupo. Antaŭ la dua mondmilito, ĉ.85% de la loĝantoj estis muslimoj, la aliaj ortodoksoj. La ruinoj de la malnova urbomuro estas ankoraŭ hodiaŭ bone videblaj. La urbo estas komerca centro de olivbera, maiza kaj tabaka kultivado.

La urbon kunligas aŭtoŝoseo kaj fervojo kun haveno Durrës kaj aliaj urboj. Gravas en la urbo, la produktado de cemento, sapo kaj olivoleo. En 1978 eklaboris metala kombinato por prilabori la fer- kaj nikelercojn. En la komunumo de Cërrik funkcias du naftorafinejoj.