Emso

Emso
Situo de la Emso
rivero
Bazaj informoj
Longeco	371 km
Akvokolekta areo	18 000 km²
Averaĝa trafluo	79,8 m³/s
Fluo
Fonto	Schloß Holte-Stukenbrock
- Alteco super marnivelo	129 m
- Koordinatoj	51° 51′ 23″ N, 8° 41′ 55″ O (mapo)51.856288.69868
Enfluejo	nordokcidente de Emden en Nordan Maron
- Alteco	0 m
- Koordinatoj	53° 26′ 40″ N, 6° 53′ 52″ O (mapo)53.4444444444446.8977777777778
Geografio
Alfluantoj	en Germanio
Emso
Rivero en Eŭropo
v • d • r

Emso (germane Ems, nederlande Eems) estas rivero en la okcidenta parto de Germanio. Ĝi fluas tra la federaciaj landoj Nordrejn-Vestfalio kaj Malsupra Saksio (Emslando). Ĝi elteriĝas en la pejzaĝo Senne ĉe la Teŭtoburga Arbaro en Germanio (apud Bielefeld) kaj enfluas tra la Dolardo kaj la Vadomaro al la Norda Maro.

La longo estas 371 km, el kiu 238 km estas ŝipveturebla. La Emso-Jadokanalo formas ligon kun la rivero Jado (Jade). La Dortmundo-Emsokanalo iras grandparte paralele je la Emso.

Unu el la branĉoriveretoj estas la Haso (Hase). Ĝi fontas en la Teŭtoburga Arbaro kaj disforkiĝas ĉe duforkaĵo en la Elso (Else), kiu iras al la Vezero (Wezer), kaj la vera Haso kiu ĉe Meppen enfluas la Emson.

Urboj laŭlonge la Emso estas: Telgte, Greven, Emsdetten, Rheine, Lingen, Haren, Meppen, Lathen (kun la testotrako de la glistrajno), Papenburg (kun la ŝipkonstruejo de la firmao Meyer), Leer kaj Emden.

La Emso iras tra la Vadomaro kiel Okcidenta Emso (Westereems) inter la insuloj Rottumeroog kaj Borkum.

La nederlanda komunumo Eemsmond prenis sian nomon de la situo ĉe la buŝo de la rivero.