La federacia vojo 14 - germane Bundesstraße 14 - estas parto de reto de duarangaj interregionaj vojoj en Germanio, kiuj kompletigas la unuarangan reton de la germanaj aŭtovojoj. Ĝi vojas 421 kilometrojn tra la federaciaj landoj Baden-Virtembergo kaj Bavario. La plej okcidenta punkto estas la komunumo Stockach proksimume 5 kilometrojn norde de la Konstanca Lago kaj la plej orienta la komunumo Waidhaus ĉe la limo al Ĉeĥio. Gravaj urboj survojaj estas Tuttlingen, Rottweil (inter tiuj du urboj ĝi estas turisma vojo kaj memorigas pri la loka tradicio produkti lignajn murhorloĝojn), Herrenberg, Stutgarto, Waiblingen, Winnenden, Backnang, Schwäbisch Hall, Ansbach, Nurenbergo kaj Lauf.
|
|
Ĉi tiu artikolo ankoraŭ estas ĝermo pri vojo.
|
