Grifo

Grifo
Informoj
Eble sama	opinicus
v • d • r

Grifo (latine: gryphus, el la malnova greka lingvo: γρυψ, gryps) estas legenda kreaĵo kun leonkorpo kaj aglaj kapo, ungegoj kaj flugiloj, kiu laŭdire loĝas en la montaroj kaj povas atingi la aĝon de 60 jaroj. Ĉar la leono estis tradicie la reĝo de bestoj, kaj la aglo estis rigardata kiel la reĝo de birdoj, la grifo estis konsiderata kreitaĵo aparte potenca kaj majesta. Grifoj estis ĉefe konataj pro gardado de trezoroj. En la antikva tempo ĝi estis simbolo de dia potenco kaj gardanto de diaĵo.

Laŭ Francisko Azorín grifo estas Fabela besto, duonaglo, duonleono, ofte reprezentata de la plastikaj artoj.^[1] Li indikas etimologion el greka grifos kaj de tie la latina gryphus,^[2] kaj li aldonas terminojn hipogrifo, por grifo havanta ĉevalajn krurojn.^[3]

1. ↑ Francisko Azorín, arkitekto, Universala Terminologio de la Arkitekturo (arkeologio, arto, konstruo k. metio), Presejo Chulilla y Ángel, Madrido, 1932, paĝo 85.
2. ↑ Azorín, samloke.
3. ↑ Azorín, samloke.