Guadalupe

Guadalupe estas la nomo de pluraj lokoj; la nomo havas sian originon en la hispana vilaĝo, kie troviĝas fama monaĥejo. Nun estas pli konata la samnoma loko en Meksiko, rande de la nacia ĉefurbo Meksikurbo, kie alia sanktejo troviĝas. La formo Guadeloupe estas uzata en la franca, kaj uziĝas baze por la tiunoma insulo en la Kariba Maro. Por la hispanlingva nomo eblas uzi la esperantigon Gvadalupo aŭ Guadalupo; por la insulo, la kutima versio estas Gvadelupo.