Helmut DUNKHASE [hélmut dúnkhaze] estas emerita berlina gimnazia instruisto pri matematiko kaj muziko, kiu tradukis la verkon de Paul Cockshott kaj Allin Cottrell: "Alternativoj el la komputilo. Por socialisma planado kaj rekta demokratio" el la angla al la germana. (La germana versio: Paul Cockshott und Allin Cottrell, Alternativen aus dem Rechner. Für sozialistische Planung und direkte Demokratie)
Li aŭtoris plurajn artikolojn (en la germana, parte tradukitaj al Esperanto) pri la aktualeco de la Tendenca falo de la profitkvoto, teoremo, kiun Karlo Markso malkovris kaj detaligis en la tria volume de La kapitalo.
Li verkis antaŭparolon al la Esperanta traduko de la programo de la Germana Komunista Partio DKP (valida ekde la jaro 2006): "Daŭrigo de la Manifesto. Moderna poziciiĝo de komunista partio. La programo de la Germana Komunista Partio DKP, kun antaŭparolo de Helmut Dunkhase", elgermanigita de Vilhelmo Lutermano, Monda Asembleo Socia (MAS), 63 paĝoj, ISBN 978-2-918300-54-0.