Januaro de 2017

Jen listo de okazaĵoj en januaro 2017:

1-a de januaro

• Ribelo kaj lukto inter malliberigitoj okazigis almenaŭ 60 mortojn en prizono de Manaus, Brazilo.
• 23 mortoj pro incendio en pasaĝer-ŝipo en Indonezio.
• António Guterres iĝas Ĝenerala Sekretario de la Unuiĝintaj Nacioj.
• Atako kontraŭ dancejo en Istanbulo, Turkio, dum la celebroj de la Novjaro okazigis almenaŭ 39 mortojn kaj multajn vunditojn.

2-a de januaro

• Atenco per aŭto-bombo okazigis 30 mortojn en ŝijaisma kvartalo de Bagdado, Irako.

6-a de januaro

• Nova lukto inter malliberigitoj okazigis almenaŭ 30 mortojn en prizono de la subŝtato Roraima, Brazilo.
• Kvin mortoj kaj granda tumulto pro protestoj kontraŭ plialtigo de la prezo de benzino en Meksiko.

7-a de januaro

• Mortis Mário Soares, eks-prezidanto de Portugalio.
• Atenco per kamion-bombo okazigis almenaŭ 50 mortojn en Azazo, Sirio.

8-a de januaro

• Mortis Akbar Haŝemi Rafsanĝani, 82-jara, Irana politikisto, prezidanto de Irano (1989–1997).
• Du atencoj kontraŭ merkatoj okazigas 20 mortojn en Bagdado, Irako.
• Tajdo de malvarmo okazigas pli ol 25 mortojn en Eŭropo.

10-a de januaro

• Pli ol 25 mortoj en suda Tajlando pro inundoj.
• Tajdo de malvarmo okazigas en unu semajno pli ol 80 mortojn en Eŭropo.
• Pli ol 20 mortoj pro atenco proksime al la Afgana Parlamento en Kabulo, Afganio.

15-a de januaro

• Nova ribelo de malliberigitoj okazigis almenaŭ 27 mortojn en prizono de la subŝtato Natal, Brazilo.

16-a de januaro

• 37 mortoj pro falo de aviadilo sur loĝejoj ĉe la flughaveno de Biŝkeko en Kirgizio.

17-a de januaro

• La niĝeria armeo erare bombardis kampadejon de rifuĝintoj kaj okazigis 70 mortojn de civiluloj.

18-a de januaro

• Lavango kovris kaj detruis hotelon en Abruco, Italio, kun pli ol 30 personoj ene, el kiuj dek estos savitaj.
• Atenco kontraŭ militista bazo en Gao, Malio, okazigis 77 mortojn.

19-a de januaro

• Almenaŭ 30 fajroestingistoj kaj aliaj 20 personoj mortis pro faldetruo de konstruaĵo dum incendio en Teherano.
• La nova prezidanto de Gambio, nome Adama Barrow, faras enpoviĝan ceremonion en Senegalo dum kelkaj landoj pretas interveni en Gambion ĉar la elpostenigita prezidento, nome Yahya Jammeh, malakceptas balotperdon.

20-a de januaro

• Almenaŭ 16 personoj, ĉefe hungaraj junuloj, mortis pro bus-akcidento kaj incendio proksime de Verono, norda Italio.
• Ceremonio de enpoviĝo de Donald Trump kiel prezidento de Usono. Cent arestitoj en la protestoj okazantaj en Vaŝingtono.

21-a de januaro

• Almenaŭ 36 mortoj pro trajnakcidento ĉe Kuneru, Barato.
• La eksa prezidanto de Gambio, nome Yahya Jammeh, finfine abandonas Gambion post la premo de najbaraj landoj, kiuj apogis ties elpostenigon.

24-a de januaro

• Falo de sav-helikoptero okazigis ses mortojn en Abruco, Italio.

25-a de januaro

• Atenco de ĝihadistoj de Al Ŝabab kontraŭ hotelo en Mogadiŝo, Somalio, okazigis 28 mortojn.

27-a de januaro

• Prezidanto Donald Trump subskribas administran ordonon kiu malpermesas al civitanoj de sep landoj kun islama plimulto eniri en Usonon.

28-a de januaro

• Dum unu semajno tajdo de centoj de incendioj, ĉefe homintencaj, okazigis teruran detruon kaj almenaŭ dekon da mortoj, ĉefe fajrestingistoj, en Ĉilio.

29-a de januaro

• Atenco kontraŭ moskeo en Kebeko, Kanado, okazigas 6 mortojn.
• Pli ol 47 personoj mortiĝis kiam kamiono kiu transportis invititojn el nupto sinkis en riveron proksime al Anjozorobe, Madagaskaro.

30-a de januaro

• Post duonjaro en la povo de prezidento Rodrigo Duterte de Filipinoj, ĉirkaŭ 7 000 personoj mortiĝis pro supozata kampanjo kontraŭ drogo kaj korupto de policanoj.
• Iris Mittenaere, Miss Francio 2016 estis elektita Miss Universo 2016 en Mall of Asia Arena, Filipinoj.
•  Maroko estas reakceptita en la Afrikan Union.