Back Kneiphof German Kneiphof English Kneiphof Spanish Kneiphof French Kneiphof Hungarian Kneiphof Italian Knypava Lithuanian Kneiphof Dutch Kneiphof NB Knipawa Polish
blazono de Kneiphof
la ekde 1992 rekonstruita katedralo de Königsberg nun estas la sola konstruaĵo en la kerno de la eksa urboparto Kneiphof. Ĉiuj aliaj historiaj domoj estas senspure forigitaj, tie nun estas nur arboj kaj herbejo.
Kneiphof, prononco [KNAJPho:f], germane, posta rusa adapto al la cirila alfabeto Кнайпхоф [Knajpĥof]) estis unu el la tri originaj loĝlokoj ĉirkaŭ la mezepoka burgo de la Germana Ordeno en la historia urbo Königsberg, kiu en 1945 konkeriĝis fare de la Ruĝa Armeo, ĝis 1948 la ne mortintaj germanaj loĝantoj estis elpelitaj, la ruinoj de la historiaj konstruaĵoj neniigitaj kaj en la loko novkonstruiĝis la sovetunia urbo Kaliningrado. La aliaj du originaj loĝlokoj ĉirkaŭ la mezepoka burgo estis la historia urbokerno (germane Altstadt), kaj oriente de ĝi la historie iom pli nova metiista loĝloko Löbenicht. La loĝloko Kneiphof situis sur samnoma insulo en la rivero Pregel (nun Pregolja), kaj sur ĝi troviĝis la katedralo de Königsberg.