Konstanto de Avogadro

La konstanto de Avogadro (simbolo N_A), estas konstanto uzata en ĥemio kaj fiziko por starigi rilaton inter la nombro de entoj kaj la materikvanto. Oni ĝin difinas kiel la kvanto da entoj (plej ofte atomoj aŭ molekuloj) en unu molo,^[1][2]. Nombra valoro de la konstanto de Avagadro estas fiksata per la nova difino de molo, kiu enfortiĝis la 20-an de majo 2019^[3].

${\displaystyle N_{A}=6,022\,140\,76\times \,10^{23}{\mbox{ mol}}^{-1}\,}$

La valoron de la nombro unue kalkulis Johann Josef Loschmidt, de la nombro de partikloj en unu kuba centimetro de gaso en norma kondiĉo. La nomo konstanto de Loschmidt tial pli ĝuste rilatas al tiu valoro, kiu estas proporcia al konstanto de Avogadro. En germanlingva literaturo, "konstanto de Loschmidt" estas uzata por ambaŭ konstantoj.

La kvanton N_A da iu ajn aĵoj (atomoj de iu ĥemia elemento, molekuloj de iu speco, ktp) oni nomas kiel unu molo da tiu aĵo. Ekzemple, unu molo da O₂ enhavas (proksimume) 6,022 × 10²³ molekulojn de O₂. Simile, unu molo da N₂ enhavas (proksimume) 6,022 × 10²³ molekulojn de N₂, kaj unu molo da Fe enhavas (proksimume) 6,022 × 10²³ atomojn de Fe.

1. ↑ International Union of Pure and Applied Chemistry Commission on Physiochemical Symbols Terminology and Units. (1993) Quantities, Units and Symbols in Physical Chemistry (2nd Edition). Oxford: Blackwell Scientific Publications. ISBN 0-632-03583-8. (1996) “Glossary of Terms in Quantities and Units in Clinical Chemistry (IUPAC-IFCC Recommendations 1996)”, Pure Appl. Chem. 68, p. 957–1000. Alirita 2006-12-28.. 
2. ↑ (1992) “Atomic Weight: The Name, Its History, Definition and Units”, Pure Appl. Chem. 64, p. 1535–43. Alirita 2006-12-28.. 
3. ↑ [1]