Omaro

Ĉi tiu artikolo temas pri genro de krustacoj. Por informoj pri vira persona nomo, vidu la artikolon Omar.

Omaro
Homarus americanus
Biologia klasado
Regno: Bestoj Animalia Filumo: Artropodoj Arthropoda Subfilumo: Krustuloj Crustacea Klaso: Malakostrakoj Malacostraca Ordo: Dekpieduloj Decapoda Subordo: Pleocyemata Infraordo: Astacidea Familio: Omaroj Nephropidae Dana, 1852
Subfamilioj kaj Genroj
Neophoberinae Acanthacaris Thymopinae Nephropsis Nephropides Thymops Thymopsis Nephropinae Homarus Nephrops Homarinus Metanephrops Eunephrops Thymopides
Aliaj Vikimediaj projektoj
Sistematiko en Vikispecioj
Komunejo pri Omaro
v • d • r

Omaroj estas genro de dekpiedaj krustacoj; iliaj antaŭaj piedoj portas tre fortajn pinĉilojn kontraŭe al palinuroj.

Diversaj specoj de omaroj vivas rande de norda Atlantiko kaj de Mediteraneo; iuj specoj ankaŭ en la Hinda kaj Paca Oceanoj. Somere omaroj vivas en malprofundaj ĉebordaj akvoj, vintre ili retiriĝas al profundoj ĝis 50 metroj. Ĉar la karno de la pinĉilaj muskoloj estas ŝatata delikataĵo, la kaptado de omaroj estas ekonomie grava.

Omaroj povas atingi aĝon de pluraj jardekoj (eble ĝis 60 jaroj), pezon de naŭ kilogramoj kaj longon de 70 centimetroj; sed nur malmultaj atingas tiajn aĝon kaj grandecon. Mezuma pezo estas unu kilogramo, ĉe longo de 30 cm.

La femaloj frajas en ĉiu dua jaro, produktante ĝis 100.000 ovojn. Omaroj evoluas unue kiel larvoj, sed, male al insektoj, kreskas ankaŭ post la atingo de matureco (je aĝo de ĉirkaŭ ses jaroj, kun pezo de ĉirkaŭ 250 gramoj). Por povi kreski ili devas demeti sian krustecan haŭton (mudi); tio okazas komence plurfoje jare, poste malpli ofte, fine nur ĉiun duan jaron.