Back Selva de Teutoburgo AN غابة تويتوبورغ Arabic غابة تويتوبورج ARZ Тевтобургска гора Bulgarian Teutobergienses Saltus Catalan Teutoburger Wald CEB Teutoburský les Czech Teutoburgerskoven Danish Teutoburger Wald German Teutoburg Forest English
51° 53′ N 8° 48′ O / 51.883 °N, 8.800 °O (mapo)Koordinatoj: 51° 53′ N 8° 48′ O / 51.883 °N, 8.800 °O (mapo)
La Teŭtoburga Arbaro - germane Teutoburger Wald - estas mezalta montaro en norda Germanio. La plej alta pinto estas la monto Barnacken (446 m) apud Horn-Bad Meinberg. Ĝin unue menciis Publius Cornelius Tacitus, kiel lokon de la batalo inter Varus kaj Arminio (Batalo de Varus). La latina esprimo estis Teutoburgiensi saltus.
Kiam post la 16-a jarcento historiistoj interesiĝis pri tiu historio, ili serĉis la lokon de la batalo kaj pensis, ke ĝi estis proksime de Detmold en la montaro Osning. Tie oni starigis monumenton de Arminio, germane Hermannsdenkmal. La montaron Osning oni renomis Teutoburger Wald.
En 1997 oni eltrovis, ke la batalo okazis plej verŝajne en la pli norda montaro Wiehengebirge, norde de Osnabrück ĉe la vilaĝo Kalkriese. La renomado de la Osning estis do eraro. Oni devintus renomi la Wiehengebirge en Teutoburger Wald. Ŝercemuloj proponas, transporti la monumenton de Arminius norden al la vera loko de la batalo.
Konataj urbetoj estas Tecklenburg, Melle kaj Bad Rothenfelde.
La Beutling estas 220 metroj alta monteto en la Distrikto Osnabrück (Malsupra Saksio) en densarbara areo de 42,8 hektaroj ekde 1937 protektita naturareo. La Beutling estas parto de la Teŭtoburga arbaro.
