1965eko Italiako Giroa

Datu orokorrak

Lasterketa

48. Italiako Giroa

Txapelketa

1965 Super Prestige Pernod

Etapak

22

Datak

maiatzak 15 – 1965.eko ekainak 6

Luzera

4.151 km

Herrialdea

Italia

San Marino

Suitza

Irteera-lekua

San Marino

Helduera-lekua

Florentzia

Emaitzak

Txapelduna

Vittorio Adorni (Salvarani)

Txapeldunordea

Italo Zilioli (Sanson)

Hirugarrena

Felice Gimondi (Salvarani)

Eskalatzailerik onena

Franco Bitossi (Springoil-Fuchs)

Talderik onena

Salvarani

◀1964

1966▶

Dokumentazioa

1965eko Italiako Giroa Itzuli Handi honen 48. edizioa izan zen. 1965eko maiatzak 15 eta ekainak 6 artean ospatu zen, 22 etapatan banatutako 4151 kilometroko ibilbidea eginez, garailea izan zen Vittorio Adornik, batez beste, 34,270 kilometro orduko abiaduran bete zituenak. San Marinon hasi eta Florentzian amaitu zen, lehen aldiz Italiako Giroaren historian, ordura arte Milanen amaitu izan baitzen itzulia.

100 txirrindularik hasi eta 81ek amaitu zuten proba.

Vittorio Adornik nagusitasun nabarmenez lortu zuen edizio honetako garaipena. Jada 6. etapan ihes eginda irabaztea lortu eta maglia arrosa bereganatu zuen, eta bi egunez baino mantendu ez zuen arren, 13. etapan berreskuratu zuen, 50 kilometroko banakako erlojupeko bat, ordutik aurrera eta itzulia amaitu arte lider mantendu zelarik. Edizio honetako etapa erregina izan zen 19. etapan, 2000 metrotik gorako lau mendate zituena, berriz ere erakustaldia eman zuen, bakarrean irabaziz eta bere atzetik zihoazen guztiei hiru minutu eta erdi baino gehiago ateraz. Italo Ziliolik, aurreko edizioan bezala, bigarren amaitu zuen, eta hirugarren Felice Gimondi gaztea izan zen, urte horretan bertan Tourra irabaziko zuena eta urte gutxiren buruan baita Italiako Giroa ere.

Franco Bitossi izan zen, bigarren urtez jarraian, mendiko sailkapenaren garailea.