Adaptation 2002ko Spike Jonze estatubatuar zinema zuzendariaren komedia dramatiko film bat da. Charlie Kaufman gidoigileak idatzitako gidoia Susan Orlean idazlearen The Orchid Thief liburuan oinarritzen da, eta libururaren egokitzapena egiteko Kaufman beraren bizipenei buruzkoa da. Nicolas Cage, Meryl Streep, Chris Cooper, Cara Seymour, Brian Cox, Tilda Swinton, Ron Livingston, eta Maggie Gyllenhaal aktoreek antzeztu zuten.
Taldeko gizonezko aktore onenaren Oscar Saria (Chris Cooper) irabazi zuen, eta beste hiru izendapen jaso zituen: Gizonezko aktore onenaren Oscar Saria (Nicolas Cage), Taldeko emakumezko aktore onenaren Oscar Saria (Meryl Streep) eta Egokitutako gidoi onenaren Oscar Saria.