Back Còdex Borbònic Catalan Codex Borbonicus English Códice borbónico Spanish دفترنامه بوربونیکوس Persian Codex Borbonicus French Codex Borbonicus Croatian Kodeks Borbonicus ID Codice Borbonicus Italian कोडेक्स बर्बोनिकस Marathi Codex Borbonicus Dutch
| Borboitar Kodexa | |
|---|---|
 Borboitar Kodexeko 13. orrialdea, egutegi aztekako 13. hamahirukoa agertzen dena. | |
| Datuak | |
| Idazlea | (XVI. mendekoa. Ez da data zehatza ezagutzen, baina 1562-1563 urteak aipatzen dira.) |
| Generoa | Egutegia, Iragarpenak. |
| Jatorrizko izenburua | Codex Borbonicus |
| Hizkuntza | Ondoren eginiko komentarioak Gaztelaniaz daude. |
| Herrialdea | Mexiko |
| Euskaraz | |
| Izenburua | Borboitar Kodexa |
Borboitar Kodexa edo Codex Borbonicus espainiarrak iritsi aurreko edo espainiar kolonialismoaren hasierako mexikar kodex bat da. Amate paperez egina eta akordeoi eran tolestuta dago. Haren orrietako neurriak 39x39,5 zentimetro dira.
Espainiako El Escorial monasterioan gordeta egon zen Espainiako Independentzia gerra arte. Ondoren Frantziara iritsi zen modu ezezagun batean eta lehen eta azken orriak erauzita zituela. 1826an Parisko Diputatuen Ganberako liburutegiak erosi zuen.
Eskuizkribua lau zatiz osatuta dago:
- Lehena tonalpohualli bat da, 260 eguneko igarpen egutegi bat.
- Bigarrenak 52 urteko epean Gaueko 9 Jaunen eta urteen eramaleak ziren egunen arteko lotura erakusten du.
- Hirugarrena urte azteka osatzen zuten hogei eguneko 18 hilabeteetako (gehi amaierako beste 5 egun, zorte txarrekotzat hartuak) egutegiko jai zerrenda bat da.
- Laugarrenak datak ezartzen ditu 52 urteko epean.