Back Romeinse diktator Afrikaans دكتاتور روماني Arabic Diktator (Qədim Roma) Azerbaijani Диктатор (Древен Рим) Bulgarian Dictador romà Catalan دیکتاتۆری ڕۆم CKB Římský diktátor Czech Diktator (Rom) Danish Römischer Diktator German Diktatorê Roma DIQ
Diktadorea Antzinako Erromako magistratu edo kargudun bat izaten zen, aparteko egoera berezietan, gerra garaian batez ere, agintea eskuratzen zuena eta kontsulen gaineko agintea ere bazuena. Diktadorearen kargu edo magistratura diktadura deitzen zen.
Diktadura Tito Lartzio kontsularen proposamenez sortu zen K.a. VI. mendean, bera izan zelarik kargu horretan aritu zen lehena.
Diktadorea kontsuletako batek izendatzen zuen, Senatuaren aginduari jarraituz, beronek baitzuen izendapena noiz egin behar zen eta kargua nork beteko zuen erabakitzeko ahalmena. Hasieran, patrizioak soilik izan zitezkeen diktadoreak, baina K.a. 356. urtean plebeioei ere eman zieten horretarako eskubidea.