Diptera

Diptera
Prosopomya pallida (Lauxaniidae) Irudi gehiago
Sailkapen zientifikoa
Erreinua	Animalia
Azpierreinua	Bilateria
Filuma	Arthropoda
Klasea	Insecta
Ordena	Diptera Linnaeus, 1758
Azpiordenak
Nematocera (Eudiptera barne) Brachycera

Dipteroak (Diptera, grezieratik: di = bi, eta pteron = hego) soilik bi hego dituzten intsektuen ordena bat dira. Talde honetako espezeei atzeko hegoak halterio bilakatu zaizkie. Multzo honetakoak dira etxe-euliak, eltxoak eta ezparak. 120.000 espezie deskribatu dira, baina 240.000 baino gehiago direla kalkulatu da.

Animalia hauen elikadura mota askotakoa izan daiteke: fitofagoak, haragijaleak, parasitoak edo saprofagoak dira. Gehienek 10-20 egun behar dituzte arrautzetik irten ondoren heldu bihurtzeko. Hiruzpalau larba aldi igarotzen dituzte. Larbak zizare formakoak dira eta ez dute hankarik.