Doakotasun

Arropa **doan** eman eta hartzeko edukiontziak. Doan emateko arrazoien artean berrerabilpena edo birziklapena egon daitezke.

Doakotasuna trukean ezer jaso gabe (doan edo dohainik) zerbait ematea da. Doako ondasunak eta zerbitzuak eskaintzeko arrazoiak anitz dira: elkartasuna, marketina (salmenta-sustapen moduan, produktuak publikoa dasta dezan, adibidez) edo jasotzen denaren kostua beste alde batetik ordainduta egotea. Norberak erabiltzen ez dituen ondasunak beste pertsona batek erabili ahal izatea ere izaten da doan emateko arrazoi bat. Nolanahi ere, doan emateak askotan aukera-kostua dakar, doan emateagatik trukean zerbait jasotzearen aukera galtzen denean.