Ibidem

Latinezko ibidem hitza, ibid., ib. laburtua, euskaraz leku berean esan nahi du. Idem moduko hitz hau, bibliografia zientifikoan erabiltzen denean, "aurretik aipatutako leku berean" esan nahi du, eta hitza berriro ez errepikatzeko erabiltzen dute. Hots, bibliografietan, soilik idazten da ibidem aurreko oharra testu berari dagokionean, kontuan izan gabe oharrak orrialde berean edo hainbat orrialdeko distantziatara dauden^[1].

Latinismoa denez, letra etzanaz idatzi ohi da.

Adibideak:

• ⁴ E. Vijh, Latin for Dummies (New York: Academic, 1997), 23. orr.
  
• ⁵ Ibid.
  

(⁵ erreferentzia eta ⁴ erreferentzia berdinak direla adierazi nahi du Ibid horrek, hau da, bi erreferentziak leku berean daudela, E. Vijh, Latin for Dummies 23. orrialdean biak ala biak).

• Jose Maria Etxebarria (Bilbo, 1907 - ibidem, 1994): adibide honetan jaioterria eta hil zen herria leku berak direla esan nahi du.

1. ↑ APA Style 7th edition. Aipuak eta erreferentzia bibliografikoak nola egin.. EHUBiblioteka.