Idazketaren historia

Gaur egun, 6.000 hizkuntza inguru dago munduan eta 19 idazkera sistema. Idazketak markatzen du Historiaurrea eta Historiaren arteko muga. Zibilizazio garatuenek idatzizko kultura oso garatua izan dute. ^[1] Historialariek diotenez, duela 300.000 edo 200.000 urte inguru, Homo erectusak hitz egiten zuen eta lehen saiakera grafikoak duela 30.000 urte hasi ziren labar-artearekin. Gero, 20.000 eta 6.500 urte bitartean sortu zen protoidazkera -marrak hezurretan, mueskak makiletan eta abar - zenbakitzeko beharragatik. Lehenengo hizkuntza keinuen bidezkoa izan zen, -batez ere eskuaren keinuen bidezkoa- eta lehenengo piktogramak keinuen transposizio grafikoak. Antzinako sinbolo mnemonikoak erabili zituzten informazioa transmititzeko. Azkenik etorri ziren mintzatutakoak adierazteko zeinuak.^{[2] [3]}

1. ↑ (Gaztelaniaz) «idazkera eta idatzitakoa - Ministerio de Educación, Cultura y Deporte» studylib.es (Noiz kontsultatua: 2022-01-08).
2. ↑ (Gaztelaniaz) «¿Cuál es el origen de la escritura?» XLSemanal 2017-08-10 (Noiz kontsultatua: 2022-01-08).
3. ↑ (Gaztelaniaz) García, Jesús Ruiz; Gimeno, María Pilar Baño; Marcos, Francisco Secadas. (1985). «Evolución histórica de la escritura» Historia de la Educación 4 ISSN 2386-3846. (Noiz kontsultatua: 2022-01-08).