Inauteri

Inauteria, halaber inautea, aratustea (Bizk.), ihauteria (Ipar.), ihautea (Ipar.),^{[oh 1]} edo maskarita-eguna (Bizkai sartaldean) bereziki Europan eta Amerikako hiri eta herrietan neguaren bukaera aldera jendeak mozorroturik ospatzen duen jaia da, desfileak eginez edota besterik gabe jai-giroan murgilduz, kantuz, dantzan eta zarata eginez. Inauterien ezaugarri berezia da, beste jaien aldean, umore, parodia eta satira giroa, gizarte ordena urratu eta alderantzikatzen duena. Jai hauetako giro alai eta bizia islatzearren, inauterietako adituek "denbora kartsu bizia" eta "jaien jaia" erabili izan dituzte euren definizioetan.^[1] Historikoki, kristautasunaren tradiziotik abiatzen diren jaiak dira, baraua eta beste zenbait gabetze dakartzan Garizumaren aurretik ospatzen baitira, baina antzinako paganismoan daude sustraiturik, negua amaitu eta udaberria hasteari loturik.

Aipuaren errorea: <ref> tags exist for a group named "oh", but no corresponding <references group="oh"/> tag was found

1. ↑ Julio Caro Barojak eta Josefina Romak emandako definizioak. Ikus: (Gaztelaniaz) Prat i Carós, Joan. (1993). «El carnaval y sus rituales: algunas lecturas antropológicas» Temas de antropología aragonesa..