International Standard Name Identifier

International Standard Name Identifier (Nazioarteko Izen Normalizatuen Identifikatzailea) edo ISNI liburu, telesaio edo zutabeen egileak identifikatzeko hamasei digituzko identifikatzailea da. ISOren zenbaki estandar global egiaztatua da ISNI, edozein motatako obra intelektualak sortzen eta banatzen esku hartzen duten egile pertsonal zein korporatiboak identifikatzeko. Egileok, besteak beste, ikerlariak, asmatzaileak, idazleak, artistak, ikusmenezko sortzaileak, interpreteak, ekoizleak eta argitaratzaileak izan daitezke. Obra-identifikatzaileak, grabazioak, produktuak nahiz edukien titularrak jasotzen dituzten nazioarteko identifikatzaile estandarizatuen familiakoa da, edozein errepertoriotakoak, besteak beste: DOI, ISAN, ISBN, ISRC, ISSN, ISTC e ISWC.^[1]

Estandarizaziorako Nazioarteko Erakundeak sortu zuen 2012an eta araua finkatzeko biltzar tekniko bat du.

ISNIarekin oso lotuta dago ORCID, ikertzaile akademikoentzat erabiltzen den identifikadorea. 2013an, ORCID eta ISNI kudeatzen dituzten bi erakundeek bi identifikadoreak elkar ulertzeko lanean hasiko zirela jakinarazi zuten^[2].

1. ↑ «ISNI Erregistro Agentzia | Biblioteca Nacional de España» www.bne.es (Noiz kontsultatua: 2023-11-17).
2. ↑ (Gaztelaniaz) Haak, Laure. (2013-04-22). «ORCID e ISNI emiten una declaración conjunta sobre interoperación, abril de 2013» ORCID (Noiz kontsultatua: 2023-11-17).