Jutlandia

Jutlandia
Datu orokorrak
Mota	eskualde geografiko eta penintsula
Azalera	29.777 km²
Eponimoa	Juto
Geografia
Koordenatuak	55°37′46″N 9°12′04″E / 55.62955°N 9.20105°E / 55.62955; 9.20105
Honen parte da	Iparraldeko Europako ordokia
Ur-gorputza	Ipar itsasoa

Jutlandia^[1] (danieraz: Jylland; alemanieraz Jütland) Ipar-mendebaldeko Europako penintsula da, Danimarkako alde kontinentala eta Alemaniako iparraldea (Schleswig-Holstein estatua) barnean hartzen duena. Mendebaldean Ipar itsasoa du, iparraldean Skagerrak, ipar-ekialdean Kattegat eta ekialdean Baltikoko daniar uharteak. 29.766 kilometro koadroko eremua hartzen du, eta 2.257.741 biztanle inguru ditu.

Jutlandiako lurraldea laua eta hareatsua da eta aintzira txiki asko du. Laborantza zaila da eremu horietan eta asko hedatu da abeltzaintza (behi azienda bereziki). Janari industria, mekanika industria eta ontziolak dira jarduera ekonomiko nagusiak. Bi herrialde hartzen ditu Jutlandiak Danimarkan: Ipar Jutlandia (Nordjylland, 6.173 km² eta 483.381 biztanle. Hiriburua: Aalborg) eta Hego Jutlandia (Sønderjylland, 3.938 km² eta 249.805 biztanle. Hiriburua: Aabenraa).

1. ↑ 159. araua. Euskaltzaindia (Noiz kontsultatua: 2010-12-12).