Marea | |
---|---|
Datuak | |
Jatorria | Berriozar (Nafarroa) |
Musika mota | Rock |
Urteak | 1998 - gaur egun |
Produkzioa | |
Diskoetxea(k) | RCA, GOR, Dro |
Taldekideak | |
Kutxi Romero Alen Aierdi Cesar Ramallo David Diaz "Kolibri" Eduardo Beaumont "Piñas" | |
Informazio gehigarria | |
www.losmarea.com | |
Marea 1998an Berriozarren (Nafarroa) sortutako rock musika taldea da. Hainbat punk taldetan aritu ondoren, Kutxi Romerok Alen Aierdiri, Begirako bateriajole ohiari, deitu zion bere rock taldea osatu nahian. Edu Beaumont "Piñas" lagunari ere deitu zion, nahiz eta inoiz ez jo. Cesar Ramallo eta David Diaz "Kolibri" gitarrajoleek ere taldean parte hartu zuten. La patera zen taldeak nahi zuen izena, baina izen hori zeukan beste talde bat egonda, Marea hautatu zuten. La Patera bere lehen diskoaren izenburua da.
Diskoa kaleratutakoan, Reincidentes, Narco, Los Porretas, Buitaker, Etsaiak, Soziedad Alkoholika edo La Polla gisako taldeekin jo zuten. Iruñeko GOR diskoetxearekin Revolcon bigarren diska plazaratu zuten (2000).
GOR diskoetxea utzita, Extremoduroko nahiz Platero y Tú taldeko Iñaki "Uoho" Antón gitarrajolearekin lan egiten hasi ziren. Horrela, Besos de Perro hirugarren diska atera zuten (2002), non Roberto Iniestak ("Extremoduro") eta Fitok ("Platero y tú", eta "Fito y los Fitipaldis", besteak beste, parte hartu zuten. Horren ondoko birak Artsaia aretoan bukatu zuen 2002ko abenduaren 28an. Bost urte buru belarri aritu ondoren, atseden hartu nahi zuten.
Hurrengo urtean sortzeari ekin zioten. Horren emaitza 28.000 Puñaladas laugarren diskoa izan zen. Bira emandakoan, berriro atseden hartzea erabaki zuten. Hala ere, 2006ko apirilean, Kutxi Romerok taldea entseatzera bueltatu zela iragarri zuen webgunean.