Miguel de Icaza

Miguel de Icaza
Irudi gehiago
Bizitza
Jaiotza	Mexiko Hiria, 1972ko azaroaren 23a (52 urte) (52 urte)
Herrialdea	Mexiko  Ameriketako Estatu Batuak  (2015eko urtarrila -
Familia
Aita	Alex Marín De Icaza
Hezkuntza
Heziketa	Mexikoko Unibertsitate Nazional Autonomoa
Jarduerak
Jarduerak	software garatzailea, ingeniaria, programatzailea, informatikaria, technology evangelist (en) eta ekintzailea
Enplegatzailea(k)	Ximian  (1999 -  2003) Novell  (2003ko abuztua -  2011ko maiatza) Xamarin (mul)  (2011ko maiatza -  2016ko ekaina) Microsoft (mul)  (2016 -  2022)
Lan nabarmenak	ikusi GNOME Mono (en)
Jasotako sariak	ikusi FSF Award for the Advancement of Free Software : Free Software Foundation  (1999ko abenduaren 15a)
tirania.org

Miguel de Icaza (Mexiko Hiria, 1972ko azaroaren 23a) software libre programatzaile mexikar bat da, GNOME proiektua hasteagatik ezaguna.

Miguel de Icaza Mexiko Hirian jaio zen eta Mexikoko Unibertsitate Autonomiko Nazionalean (UNAM) burutu zituen ikasketak. 1992. urtean hasi zen software librea idazten.

1997ko udaran, Microsoft-k lan elkarrizketa bat egin zion Internet Explorer UNIX talderako (SPARC plataformara bihurtzeko), baina bisa lortzeko ez zuen behar adinako titulu unibertsitarioa. Elkarrizketan dioenez, elkarrizketatzaileak konbentzitzen saiatu zen Internet Explorerren kodea libre egin zezaten Netscapek bere nabigatzailearekin egin aurretik.

Icazak GNOME proiektua hasi zuen urte bereko udaran, Federico Menarekin batera, GNU/Linuxrako eta beste UNIX-modukoentzat mahaigain guztiz libre eta osoa egin nahi zuen. Lehenago Icazak Midnight Commander fitxategi kudeatzailean lan egin zuen, eta Linux kernelean ere. Gnumeric kalkulu-orriak sortzeko programaren sortzaileetako bat ere bada.

1999an, Icazak Helix Code fundatu zuen, GNOMErako softwarea librea sortzeko konpainia, Nat Friedmanekin batera, eta hainbat GNOME hackerri lana eman zien. 2001. urtean, Helix Code-k izena aldatu zuen, Ximian izateko, eta Mono proiektua hasi zuten, Icaza proiektu buru bezala, Microsoften .NET berria hainbat plataformetan erabilgarri izateko, Linux eta Unix modukoak kasu. 2003ko abuztuan, Novellek Ximian erosi zuen.

1999an Miguel de Icazak Free Software Foundationaren Free Software Saria jaso zuen, 1999 urteko MIT Technology Review eraberritzaile saria ere jaso zuen, eta Time Magazine aldizkariak 2000. urteko irailean mendeko 100 gizonik berriztatzaileen artean izendatu zuten.

Miguelek paper txiki bat izan zuen 2001ean Antitrust filmean.

2003an Maria Laura brasildarrarekin ezkondu zen.