Back Tropiese reënwoud Afrikaans Tropischer Regenwald ALS Selva tropical AN غابة استوائية مطيرة Arabic Selva tropical AST Вільготныя трапічныя лясы Byelorussian Екваториални гори Bulgarian ক্রান্তীয় অতিবৃষ্টি অরণ্য Bengali/Bangla Koadeg trovanel gleb Breton Tropska kišna šuma BS
Oihan tropikala ekosistema mota bat da, klima tropikala eta ipar eta hego 28 latitudeen artean (tropiko artean) garatzen dena. Oihan tropikalek landare eta formazio mota asko hartzen dituzte barruan: hosto iraunkorreko baso heze trinko mota anitzetatik hasi (gizakiak gutxien kutsatu duen landaredi mota, ziur aski) eta hosto erorkorreko arboladi arantzatsuetako xerofitoen estalki barreiaturaino. Azken honetan gizakiak aldaketa gehiago eragin ditu.
Klimak eragin handia izaten du baso mota horretan. Oihan tropikalak latitude ertaineko zenbait basoren antz handiagoa du, arboladi arantzatsu horiena baino. Bero tropikala da baso tropikal guztien ezaugarri komuna; landare guztiak megatermoak dira, alegia, oso tenperatura beroak behar dituzte bizitzeko. Denak eskualde tropikaletan daudelako eta latitude apaletako tenperatura errejimen antzekoak dituztelako biltzen dira baso horiek guztiak izen orokor berberean.