Oilo

Artikulu edo pasarte honek eduki, gramatika, hiztegi edota ortografia akatsak ditu. Lagundu nahi baduzu, zuzendu ezazu.

Oilo
Oilarra Irudi gehiago
Iraute egoera
Arrisku txikia  (IUCN 3.1)
Sailkapen zientifikoa
Klasea	Aves
Ordena	Galliformes
Familia	Phasianidae
Generoa	Gallus
Espeziea	Gallus gallus Linnaeus, 1758
Banaketa mapa
Datu orokorrak
Gizakiak ateratzen dizkion produktuak	oilasko
Masa	arra: 844 g emea: 500 g
Zabalera	704 mm
Kumaldiaren tamaina	6
Eguneko zikloa	eguneko
Errute denbora	19 egun
Genomaren kokapena	ensembl.org…

Oiloa (emea) edo oilarra (arra), izen zientifikoa: Gallus gallus (batzuetan: Gallus gallus domesticus), hegazti etxekotua da, hegan egiten ez duena, moko sendoa eta gandor gorria dituena. Mundu osoan hedatua dago.

Sexuaren eta adinaren arabera, hainbat izen har ditzak euskaraz: arra oilarra da eta emea oiloa. Ar gaztea, berriz, janaritarako akabatzen dena, oilaskoa, eta eme gaztea oilanda. Azkenik, kume jaioberriari txita deitzen zaio.

Planetako hegaztirik ugariena da, hamasei mila milioi baino gehiago direla kalkulatzen baita.

Hegazti hauek haragi eta arrautzengatik hazten dira gehienbat, haien lumak aprobetxatzen badira ere. Barietate batzuk, ordea, oilarren arteko borroketan edo hegazti apaingarritzat erabiltzeko hazi eta entrenatzen dira.

Hegazti orojalea da eta bost eta hamar urte bitarteko bizi-itxaropena du, arrazaren arabera.