Back فيروس الإنفلونزا Arabic فيروس انفلونزا ARZ Ортаміксавірусы Byelorussian ইনফ্লুয়েঞ্জা ভাইরাস Bengali/Bangla Orthomyxoviridae Catalan Orthomyxoviridae Czech Orthomyxoviridae Danish Orthomyxoviridae German Ιός γρίπης Greek Orthomyxoviridae English
| Ortomixobirus | |
|---|---|
 | |
| Sailkapen zientifikoa | |
| Erreinua | Orthornavirae |
| Filuma | Negarnaviricota |
| Klasea | Insthoviricetes (en)  |
| Ordena | Articulavirales |
| Familia | Orthomyxoviridae [[|]] |
| Datu orokorrak | |
| Gaixotasuna | Gripea |
Ortomixobirusak Orthomyxoviridae familian sailkatzen diren birusak dira, gizakia zein animaliak infektatzen dituztenak. Talde honetan gripea eragiten duten birusak daude.
"Myxo" terminoak mukia esan nahi du, eta birus hauek mukiaren bitartez transmititzen direla adierazi nahi du (arnas traktuan ugaltzen baitira).
Ortomixobirusak tamaina ertaineko birusak dira (80-120 nm). Harizpi bakarreko eta polaritate negatiboko RNA dute material genetiko gisa, oso zatikatuta (gripearen birusak, adibidez, 8 zatitan banatuta du RNA molekula). RNAren zati bakoitza kapside helikoidal batez dago babestua, baina birioia oso pleomorfikoa izaten da (gehienetan esferikoa izan arren).
Ortomixobirusek kanpoko bilgarria dute kapsideraen gainetik, bi glukoproteina dituena: hemaglutinina (HA) eta neuraminidasa (NA), ezaugarri antigenikoak dituztenak.
Aipatu den bezala, birus hauen berezko ezaugarria beren material genetikoaren antolakuntzan datza: RNA ez da zati osoa, hainbat zatitan agertzen baita banaturik (8 zatitan, zehazki, giza-gripearen birusaren kasuan). Genomaren egitura berezi horrek aldakortasun genetikoa areagotzen du, RNAren zatien arteko errekonbinaketa genetikoa errazten duelako. Esaterako, genoma desberdina duten bi andui birikok zelula bera infektatzen dutenean, haien RNA molekulak elkartu eta errekonbinatu daitezke, genoma berri bat agertuz.
Honen ondorio praktikoa egitura genetiko desberdinetako etengabeko birusen agerpena izaten da, gripearen kasuan urtero txerto berri bat sorrarazten duena.