Pello Salaburu

Pello Salaburu
	; Irudi gehiago
; Euskal Herriko Unibertsitateko errektorea	; 1996 - 2000 ; ← Juan José Goiriena de Gandarias - Manuel Montero García →
; Euskal Herriko Unibertsitateko errektorea
Bizitza
Jaiotza	Arizkun, 1951ko uztailaren 3a (73 urte)
Herrialdea	Nafarroa Garaia, Euskal Herria
Hezkuntza
Heziketa	Deustuko Unibertsitatea ; Massachusettseko Teknologia Institutua ; Cornell Unibertsitatea ; Mexiko Berriko Unibertsitatea ; Euskal Herriko Unibertsitatea
Hezkuntza-maila	doktorea
Tesi zuzendaria	Koldo Mitxelena
Doktorego ikaslea(k)	Xabier Erize; Igone Zabala Unzalu; Maite Guerenabarrena; Jesus Maria Macazaga Eizaguirre; Xabier Alberdi; Julian Maia Larretxea; Pilartxo Etxeberria
Hizkuntzak	euskara; gaztelania
Jarduerak
Jarduerak	idazlea, hizkuntzalaria, unibertsitateko irakaslea, literaturan aditua eta letrazalea
Enplegatzailea(k)	Euskal Herriko Unibertsitatea
Jasotako sariak	ikusi Resurrección Maria Azkue saria (1983) ; Fulbright beka (1981) ;
Kidetza	Euskaltzaindia; Zientziaren eta Arteen Europar Akademia; Erromako Kluba; Euskararen Aholku Batzordea

Pello Salaburu Etxeberria (Arizkun, Nafarroa Garaia, 1951ko uztailaren 3a)^[1] Euskal Herriko Unibertsitateko (EHU) irakaslea, euskalaria eta idazlea da. 1996-2001. urteen artean EHUko errektorea izan zen.

Euskaltzaindiko kidea da (euskaltzain osoa), eta erakunde horren Gramatika batzordearen burua. Hiztegi Batuaren lanak berak koordinatzen ditu. Klasikoak izeneko pentsamendu unibertsalaren lan bilduma bideratzen duen elkartearen lehendakaria izan zen,^[1] Europako Zientzia eta Arteen Akademiako kidea, eta Nevadako Unibertsitatearen Renoko campuseko CBS (Center for Basque Studies) ikergunean argitaratzen den euskal klasikoen bildumaren (Classics) zuzendaria, Gregorio Monreal eta Bill Douglass irakasleekin batera.^[2] Bilboko Athletic Klubeko zuzendaritza kidea izan zen (2005-2006).

Argitara eman dituen lan nagusiak euskal gramatikaren eta hizkuntzalaritzaren ingurukoak dira. Baztango euskalkia ere xeheki aztertu du bere lanetan.