Back الملعب الفيستفالي Arabic Siqnal İduna Park Azerbaijani سیگنال ایدونا پارک AZB Зигналь-Идуна-парк Bashkir Westfalenstadion BAN Сігнал Ідуна Парк Byelorussian Сигнал Идуна Парк Bulgarian সিগনাল ইদুনা পার্ক Bengali/Bangla Westfalenstadion BS Westfalenstadion Catalan
| Signal Iduna Park | |
|---|---|
| Signal Iduna Park Westfalenstadion | |
 | |
 | |
| Kokapena | |
| Estatu burujabe |  Alemania |
| Alemaniako estatua |  Ipar Renania-Westfalia |
| Eskualdea | Arnsberg |
| Urban district of North Rhine-Westphalia | Dortmund |
| Koordenatuak | 51°29′33″N 7°27′06″E / 51.4925°N 7.45167°E |
 | |
| Historia eta erabilera | |
| 1974ko Munduko Futbol Txapelketa | |
| 2006ko Munduko Futbol Txapelketa | |
| Inaugurazioa | 1974ko apirilaren 2a |
| Jabea | Borussia Dortmund |
| Kirola | futbola |
| Erabiltzailea | Borussia Dortmund |
| Edukiera | 81.359 |
| Arkitektura | |
| Arkitektoa | Architekt Ralf Schulte-Ladbeck (en)  |
| Kontaktua | |
| Helbidea | Strobelallee 50, D-44139 Dortmund |
| Webgune ofiziala | |
Signal Iduna Park (2005eko abenduaren 1 arte Westfalenstadion deitua) futbol estadio bat da, Dortmund hirian dagoena, Ipar Renania-Westfalia estatuan, Alemanian. Bertan Borussia Dortmund futbol-taldeak jokatzen ditu etxeko partidak. Arrazoi komertzialak tarteko gaur egun Signal Iduna Park deitzen bada ere, jatorrizko izena zen Westfalenstadion, zeina baitator Westfaliatik, garai bateko Prusiako probintzia.
Estadioa da Europako futbol-estadiorik famatuenetako bat, eta ezaguna da bertan bizi den giroagatik. Bundesligako partidetan 81.365 lagun hartzen ditu (zutik eta eserita), eta nazioarteko partidetan 65.829 (denak eserita).
Alemaniako estadiorik handiena da, eta Europako zazpigarrena. Hala ere, berak du Europako errekorra zaleen presentziari dagokionez, 2011-2012 denboraldian 1,37 milioi ikusle hartu baitzituen 17 partidatan, partida bakoitzeko 80.588 ikusle batezbeste.
Bere hegoaldeko harmaila mitikoak, Südtribüne (Hego Tribuna), 24.454 lagun hartzen ditu, Europako futbolean terrazarik handiena zaleak zutik hartzeko. Bertan bizi den giro sutsua dela-eta, hego tribunari deitzen zaio Die Gelbe Wand, “Horma horia”. Borusseum delakoa, Borussia Dortmund taldearen museoa alegia, estadiotik hurbil dago.
1974an eta 2006an Munduko Futbol Txapelketako partidak jokatu ziren estadio horretan. 2001ean bertan jokatu zen, halaber, UEFAren Kopako finala. Ahaztu barik bertan jokatu diren adiskidantzazko eta sailkapeneko partidak, bai mundu txapelketei zegozkienak, baita Europakoei ere.
Zortzi pilare euslek inguratzen dute Westfalenstadion delakoa, kolore horikoak eta 62 metro garai. Horrek eta altzairuzko egiturak bihurtu dute estadioa Dortmund hiriaren sinbolo.