The Last of the Mohicans (euskaraz Azken Mohikanoa, ingelesezko izenburua literalki: Moikanoetako Azkena) 1992ko Michael Mann estatubatuar zinema zuzendariaren abenturazko filma bat da. James Fenimore Cooper idazlearen The Last of the Mohicans eleberria eta 1936ko izen berdineko The Last of the Mohicans filman oinarritua dago.
Trevor Jones eta Randy Edelman musikagileek filmaren soinu bandaren zati handiena konposatu zuten, bertan Clannad irlandar folk taldearen "I Will Find You" ("Aurkituko zaitut") abestia ere badagoelarik. Bestalde, filma honetako doinu nagusi ospetsua Dougie MacLean eskoziar kantautore eta konposatzailearen "The Gael" ("Gaeldarra") abestian oinarritua dago.
Filma honek Soinu onenaren Oscar Saria irabazi zuen (Chris Jenkins, Doug Hemphill, Mark Smith eta Simon Kaye).