Zeharkaldi

Zeharkaldia, nazioartean ere trekking izenez ezaguna, gehienetan egun zenbaitetan zehar naturan ibilaldiak eta akanpadak barne hartzen dituen jarduera-multzoa da. Ezustekoak ekiditeko planifikatu beharreko jarduera da. Horrela, ibilaldia bera, lo egiteko lekuak, janaria eta materiala (jantziak, motxila, oinetakoak) aurretik zehaztu eta prestatzea komeni da.

• Ibilaldia zirkularra izan daiteke edo puntu batetik bestera doana.
• Non lo egin: aterpez aterpe egin daiteke ibilaldia edo bibaka egin mendian.
• Janaria: Aterpez aterpe egiten bada zeharkaldia, gosaria eta afaria han bertan har daiteke.
• Materialari dagokionez, hau izan daiteke zerrenda ohiko bat:
  • Motxila
  • Lo-zakua
  • Mendiko botak
  • Bi kamiseta
  • Elastiko tekniko bat (polarra)
  • Zira
  • Txandala edo galtza erosoak
  • Galtzerdi-pare bat
  • Eskularruak
  • Txanoa
  • Plastikozko kapa bat
  • Eguzki-krema
  • Eguzki-betaurrekoak
  • Ezpainak babesteko krema
  • Labana
  • Kantinplora
  • Esku-argi txikia
  • Eskuoihal txikia edo sukaldean mahaia lehortzeko erabiltzen ditugun zapiren bat
  • Bi poltsa handi, plastikozkoak

Urtaroa zein den beste material batzuk sartuko dira motxilan: prakamotzak, bisera, edo kamiseta tiranteduna. Gainera, zeharkaldia zer-nolako zailtasuna izango duen, material espezifikoa ere beharrezkoa izango da, pioleta, kranpoiak eta sokak esaterako.

Motxila betetzeko orduan azkenean hartuko duen pisua ere kontuan hartu behar da.