Kiribati

Independent and Sovereign Republic of Kiribati

(Flagg Kiribati) (Skjaldarmerki Kiribati)
Tjóðarslagorð: Te Mauri, Te Raoi ao Te Tabomoa
Tjóðsangur: Teirake Kaini Kiribati
Alment mál	Enskt og kiribatiskt
Høvuðsstaður	Tarawa Teinainano
Forseti	Taneti Maamau
Varaforseti	Teuea Toatu
Fullveldi	12. juli 1979 (úr Stórabretlandi)
Vídd  - tilsamans  - vøtn (%)	811 km² 0 %
Íbúgvar  - tilsamans 2010  - tættleiki	103,500 135/km²
Gjaldoyra	Kiribatiskur dollari
Tíðarøki	(UTC+12, +13, +14)
Økisnavn á alnetinum	.ki
Telefonkota	+686

Kiribati er eitt oyggjaland í Kyrrahavinum. Høvuðsstaðurin eitur Tarawa Teinainano (South Tarawa). Oyggjarnar í Kiribati eru tilsamans støddar sum Streymoy, Suðuroy, Nólsoy og Vágar, ella eitt sindur meiri enn hálvar Føroyar. Men tað er so langt ímillum oyggjarnar í Kiribati, at sjóøkið er líka stórt sum alt India. Í Kiribati búgva umleið 100.000 fólk. Til Mikronesia, sum merkir “tær smáu oyggjarnar”, hoyra londini Guam, Marshalloyggjar, Mikronesiasamveldið, Belau, Nauru og Kiribati.

Í Kiribati eru 33 oyggjar, sum eru spjaddar um eitt øki á 3.500.000 km², sum er 3.800 kilometrar kring Ekvator. Talan er um 32 kolralloyggjar og eina oyggj, Banaba. Navnið verður úttalað /kiribas/, sum er ein mikronesisk broyting av tí fyrrverandi enska navninum fyri tann stóra oyggjabólkin The Gilbert Islands. Umframt Gilbertoyggjarnar so eru aðrar oyggjar í Kiribati, tær flestu av Linjuoyggjunum eru partur av Kiribati, oyggin Banaba og so oyggjabólkurin Føniksoyggjarnar, sum eru nærum óbygdar.

Í 1892 gjørdist Gilbertoyggjarnar partur av tí bretska protektoratinum saman við Ellice Islands. Gilbertoyggjarnar gjørdist eitt hjáland í 1916 og fingu sjávstýri í 1971.

Almenn mál í Kiribati eru enskt og Kiribatiskt, sum er eitt mikronesiskt mál.

Hendan greinin er ein stubbi. Tú kanst hjálpa Wikipedia við at víðka hann.

Sí miðlasavnið

»Kiribati« í Wikimedia Commons.