Amtner

In amtner is immen dy't oansteld is om, ûnderhearrich oan in heger gesach, in (diel fan in) oerheidstaak út te oefenjen. Faak hawwe amtners in geheimhâldingsplicht om't se mei fertroulike ynformaasje wurkje. Amtners kinne yn 'e tsjinst wêze by de ryksoerheid, in provinsje, in gemeente, in wetterskip of by in ynstelling dy't troch de steat beheard wurdt, lykas yn it ûnderwiis. Dêrneffens wurde hja ek wol oantsjut as ryksamtners, provinsjale amtners, gemeente-amtners, ensfh.