Matearje

Matearje of stof is de boustien dêr't de (waarnimbere) wrâld út opboud is. Neffens de natuerkunde bestiet matearje út fermioanen. Dat binne partsjes dy't skaaimerke wurde troch healtsjes spin, lykas elektroanen, muoanen, protoanen en neutroanen. Krêft oerbringende partsjes (bosoanen) lykas it foton en it gluon binne dus gjin matearje, hoewol't sy út enerzjy besteane en soms ek massa hawwe.

Yn de relativiteitsteory wurde massa en enerzjy oan elkoar lyksteld, om't massa yn enerzjy omsett wurde kin (annihilaty) en enerzjy oarsom yn massa. It binne útwiskelbere ienheden.

De filosofyske streaming dy't de wurklikheid meastentiids of allinnich beskôget as besteande út matearje wurdt it materialisme neamd.

Matearje kin ferskate foarmen oannimme, ôfhinklik fan temperatuer en druk:

• Bose-Einstein kondensaat
• fêst
• floeiber
• gasfoarmich
• plasma

De saneamde "klassifikaasje fan matearje":

• Matearje
  • Stof (Suvere stof)
    • Inkelfâldige stof
    • Gearstalde stof
  • Mingsel
    • Homogeen mingsel
    • Heterogeen mingsel