Minskehannel

Minskehannel is it oanlûken of lokjen fan minsken, al of net mank geand mei twang, yntimidaasje en/of mislieding, om se dan tsjin harren wil te ferfieren en ferhanneljen mei as doel seksuële ekploitaasje yn 'e twongen prostitúsje, útrûpeljen op it mêd fan wurk of om se op in oare manear út te strûpen. In wichtich ûnderdiel fan minskehannel is frouljushannel, dat almeast op seksuële eksploitaasje rjochte is. Minskesmokkel, dat yn 'e regel op fersyk bard fan 'e lju dy't smokkele wurde, wurdt dan wer net ta minskehannel rekkene. Yn Nederlân is minskehannel strafber ûnder Wetboek fan Strafrjocht kêst 273f (oant 2005 kêst 250a, dêrnei oant 2006 kêst 273a).