Back Odusseus Afrikaans Ulises AN أوديسيوس Arabic اوديسيوس ARZ Odiseo AST Odissey Azerbaijani Одиссей Bashkir Адысей Byelorussian Адысэй BE-X-OLD Одисей Bulgarian
Odysseus (Gryksk, Ὀδυσσεὺς) of Ulixes yn it Latyn is in persoan út de Grykske mytology. Hy is de soan fan Laertes en syn frou Antikleia. Hysels hie mei syn frou, de Spartaanske keningsdochter Penelope, in soan Telemachos, en by de goadinne Kirke nochris trije soannen.
Hy is ien fan de wichtige persoanen yn de Ilias fan Homerus. De Odyssee, in oar boek fan Homerus is folslein oan him wijd.
As hearsker fan it eilân Itaka wie Odysseus ien fan de bekendste Grykske helden yn de Trojaanske Kriich. Hy wie krêftdiedich krekt as de oare helden, mar ferneamd troch syn snoade plannen. (De Griken oermasteren lang-om-let de stêd troch in list fan Odysseus. As soenoffer lieten de Griken in houten hynder efter dêr't soldaten yn ferstoppe wienen.) De goadinne Pallas Atene wie him tige goedwillich, en op syn reis krijt er fan har út en troch help. Sa wurdt er as er by de Faiaken lânet troch har ûnsichtber makke (Od. 6: 231).