Wassenaar

Gemeente Wassenaar        (Flagge fan Wassenaar) (Wapen fan Wassenaar)
Provinsje	Súd-Hollân
Boargemaster	Leendert de Lange (VVD)
Haadplak	Wassenaar
Oerflak - wetter	62,37 km² -  11,45 km²
Ynwenners	25.788 (506 km²)
Ferkearsieren
Netnûmer	070
Postkoades	2240-2245
Offisjeel webstee	www.wassenaar.nl

Wassenaar is in plak en gemeente (besteand sûnt de Frânske Tiid) yn de Nederlânske provinsje Súd-Hollân. Binnen de gemeentegrinzen lizze gjin oare kearnen. De gemeente Wassenaar is diel fan it kaderwetgebiet Haachlannen en de metropoalregio Rotterdam-De Haach.

Wassenaar bestiet út in doarpskearn en hat boskige omkriten mei in protte filla's en grutte huzen. In protte dêrfan binne fanâlds bûtenpleatsen, simmerferbliuwen foar begoedige stedslju. Njonken begoedige bewenners húsmanje der bedriuwen en konsulaten. Kening Willem-Alexander en keninginne Máxima hawwe der in hûs op bûtenpleats Eikenhorst. Duinrell wurdt brûkt as pretpark. Ek draafbaan Duindigt, de ienich oerbleaune gers-hurdraversbaan yn Nederlân, leit yn Wassenaar.

Yn it sintrum fan Wassenaar stiet de âde romaanske doarpstsjerke dy't foar in part út de 12e iuw stammet, en dy't yn de 16e iuw foar in part fannijs boud wurde moast nei fernielings yn it begjin fan de Tachtichjierrige Oarloch. In deze kerk werd prinsesse Alexia doopt. Neist in lyts tal âlde doarpshuzen stiet dêr ek de achttjinde-iuwske wynmûne Windlust.

Wassenaar grinzget oan it doarp Foarskoat wêr't fanâlds in mienskiplike skiednis mei hat.

Oan de Wassenaarske Slach lizze yn it natuergebiet noch in protte oerbliuwsels fan de Atlantikwall, ûnder oaren in hûnderten meters lange betonnen muorre. Der lizze ek hast 1000 meter oan ûndergrûnske mitsele gongen dy't fiif bunkers meielkoar ferbine. Dy gongen binne hjoeddedei yn gebrûk as flearmûsbunker.